3X Technology hafa undirritað samning um smíði vinnslukerfis um borð í línubát sem fer til veiða við Noreg síðar á árinu. Um er að ræða vinnslukerfi í fyrsta Cleopatra 50 bátinn sem Trefjar í Hafnarfirði hafa smíðað.

Báturinn verður útbúinn með línukerfi og beitningarvél auk vinnslukerfis frá 3X Technology.

Vinnslukerfið byggir á búnaði til blæðingar og kælingar hráefnis, slægingaraðstöðu og flutningskerfi að og í lest skipsins.